Ukraina–Rossiya urushi qachon tugashi bo‘yicha taxminiy muddat ma’lum qilindi

Ukraina mudofaa vaziri o‘rinbosari Vladimir Gavrilovning ma’lum qilishicha, mamlakat kuchlari dekabr oyi oxirigacha Qrimga qaytishi va Rossiya bilan urush bahor fasliga kelib butunlay tugashi mumkin.

Iste’fodagi general-mayorning so‘zlariga qaraganda, xalq g‘alabaga qadar kurashni hech qachon to‘xtatmaydi va hatto Rossiyaning yadroviy zarbasi ham Kreml kuchlarini chiqarish uchun kurashdan chalg‘ita olmaydi.

Vazir o‘rinbosari Sky News telekanaliga bergan intervyusida Rossiya tomonidan yadro hujumi ehtimoli past ekaniga ishonishini aytdi. “Xudo biladi qanday ssenariy bo‘lishini, lekin taktik yadroviy zarba bizni olg‘a borishda davom etishdan to‘xtatadigan kuch emas”, — dedi u.

Kreml bilan tinchlik muzokaralari haqida gapirar ekan, Gavrilov bu muzokaralar Rossiya qo‘shinlari Ukrainaning har bir qarichini, jumladan, 2014-yilda bosib olingan Qrim yarim oroli va Ukraina sharqidagi hududlarni tark etishga tayyor bo‘lgandagina amalga oshishini aytdi.

Mavzuga doir:

• Medvedev Polshaga raketa otilishi bilan bog‘liq voqea jahon urushi xavfini oshirishini aytdi
• Rossiya zarbalari Ukraina energiya tizimining deyarli yarmini izdan chiqardi
• “Urush sabab aziyat chekyapmiz”. Misr prezidenti Ukrainadagi urushni to‘xtatishga chaqirdi