O‘zbekiston Respublikasida neft qazib olishni ko‘paytirish davlat dasturi ijrochisi bo‘lgan “Saneg” kompaniyasi mamlakatimizda gaz qazib olish bo‘yicha belgilangan ko‘rsatkichlarni to‘liq bajarmoqda. Bugungi kunda O‘zbekistonda gaz qazib olishning 5 foizdan kamrog‘i kompaniya hissasiga to‘g‘ri keladi. Xususiy kompaniyaning asosiy sarmoyalari neft sohasini rivojlantirishga yo‘naltirilgan bo‘lib, O‘zbekiston Respublikasi Vazirlar Mahkamasining 2019-yil 15-dekabrdagi 1002-sonli qaroriga muvofiq, 2030-yilga borib 378 ming tonnadan 1,6 mln tonnagacha ko‘tarilishi kerak.
Kompaniya O‘zbekiston iqtisodiyoti va aholisini neft va gazni qayta ishlash sohasidagi eng ko‘p talab qilinadigan mahsulotlar – benzin va dizel yoqilg‘isi, shuningdek, avtomobillar uchun zamonaviy moylar, aviatashish uchun kerosin va mamlakatimiz shaharlarini issiqlik bilan ta’minlash bilan bog‘liq boshqa mahsulotlar bilan ta’minlashga asosiy e’tiborni qaratadi.
“Saneg” korporativ kommunikasiyalar bo‘yicha direktori Igor Gusenkovning qayd etishicha, “Kechagi energetika vaziri o‘rinbosarining matbuot anjumani doirasida o‘quvchilarda “Saneg” qandaydir tarzda O‘zbekiston Respublikasi qonunchiligini amalga oshirishdan qochmoqda hamda neft va gaz bo‘yicha o‘z majburiyatlarini bajarmayapti”, degan fikr shakllanishi mumkin. Bu haqiqatan juda yiroq. Kompaniya O‘zbekiston iqtisodiyotini rivojlantirishdan maksimal darajada manfaatdor va uni o‘z xomashyosidan yuqori sifatli tozalangan mahsulotlar bilan ta’minlashga intiladi.
Kompaniyaning O‘zbekistonda gaz qazib chiqarishdagi ulushi 5 foizdan oshmaydi. O‘zbekiston Respublikasining resurs bazasini rivojlantirishga “Saneg” tomonidan mustaqil va tashqi investorlarni jalb etgan holda kiritilgan xususiy investisiyalar esa 500 million dollardan oshadi. Ushbu mablag‘larni jalb qilmasdan turib, mamlakat resurs bazasining o‘sishi va aholini yoqilg‘i bilan ta’minlashning barcha ko‘rsatkichlariga erishib bo‘lmaydi.
Ma’lumot sheriklik huquqi asosida tayyorlandi
Izoh (0)