O‘zbekistonda koronavirusga chalinish holatlari ortmoqda

O‘zbekistonda 17-noyabr kuni 69 kishida koronavirus qayd etildi.

Sog‘liqni saqlash vazirligi ma’lumotiga ko‘ra, yangi kasallanish holatlarining:

• 1 nafari Buxoro viloyatida,
• 2 nafari Namangan viloyatida,
• 1 nafari Samarqand viloyatida,
• 2 nafari Surxondaryo viloyatida,
• 1 nafari Xorazm viloyatida,
• 6 nafari Toshkent viloyatida,
• 56 nafari Toshkent shahrida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan

Vazirlik statistikasidan kunlik kasallanishlar soni ortayotganini ko‘rish mumkin: 16-noyabrda 61 kishida, 15-noyabrda 48 kishida, 14-noyabrda 21 kishida kasallik aniqlangan.

Ayni paytda virusga qarshi emlash jarayoni davom etmoqda. Sanitariya-epidemiologiya xizmati ma’lumotiga ko‘ra, 17-noyabr kuni respublika bo‘ylab koronavirusga qarshi 60 959 doza vaksina qo‘llandi.

Ushbu infeksiyaga qarshi qo‘llangan jami vaksinalar soni 72 million dozadan oshdi.