O‘zbekistondagi eng baland davlat bayrog‘i Farg‘ona shahrida o‘rnatilgan. Bu haqda “Daryo” muxbiri Azizjon Ermatov xabar bermoqda.
Ushbu ulkan bayroq Islom Karimov nomidagi teatr-konsert saroyi xiyobonida qad rostlagan.
Bayroqning balandligi 67 metr, hajmi 20 metrga 10 metrni tashkil qiladi.
Mazkur bayroq 2019-yilning 7-dekabr kuni O‘zbekiston Konstitutsiyasi qabul qilingan sana arafasida o‘rnatilgan.
2021-yilning 13-yanvar kuni Farg‘ona shahrida O‘zbekiston Qurolli Kuchlari tashkil etilganining 30 yilligi munosabati bilan bayram tadbiri o‘tkazilgan.
Unda rekord darajadagi — 1 ming 100 kvadrat metr bo‘lgan bayroq harbiy askarlar ko‘magida keng yoyilgan.
Ushbu ulkan bayroq harbiy orkestr jo‘rligida musiqa sadolari ostida shahar ko‘chalari bo‘ylab olib o‘tilgan.
Ma’lumot uchun, Farg‘ona viloyatidagi yana bir ulkan bayroq Qo‘qon shahridagi Ozodlik xiyobonida joylashgan. Bayroqning balandligi 16 metr, hajmi 6 metrga 3 metr.
U 2019-yil 18-noyabrda O‘zbekiston Davlat bayrog‘i qabul qilingan sana munosabati bilan o‘rnatilgan.
Ma’lumot uchun, O‘zbekistondagi eng baland davlat bayroqlari shuningdek, Toshkent shahrida 65 metr, Toshkent viloyatida 50 metr, Andijonda 64 metr, Buxoroda 65 metr, Navoiyda 62,5 metr, Namanganda 35-metr, Samarqandda 60 metr va Urgutda 62 metr, Qashqadaryoning Qarshi shahrida 35 metr, Dehqonobod tumanida 40 metr balandlikda o‘rnatilgan.
Mavzuga doir: Qarshidagi ulkan bayroq o‘rnatilishi yana to‘xtatildi. Unga sarflanadigan mablag‘ yo‘l ta’miriga ishlatiladigan bo‘ldi
Izoh (0)