Ўзбекистондаги энг баланд давлат байроғи Фарғона шаҳрида ўрнатилган. Бу ҳақда «Дарё» мухбири Азизжон Эрматов хабар бермоқда.
Ушбу улкан байроқ Ислом Каримов номидаги театр-концерт саройи хиёбонида қад ростлаган.
Байроқнинг баландлиги 67 метр, ҳажми 20 метрга 10 метрни ташкил қилади.
Мазкур байроқ 2019 йилнинг 7 декабрь куни Ўзбекистон Конституцияси қабул қилинган сана арафасида ўрнатилган.
2021 йилнинг 13 январь куни Фарғона шаҳрида Ўзбекистон Қуролли Кучлари ташкил этилганининг 30 йиллиги муносабати билан байрам тадбири ўтказилган.
Унда рекорд даражадаги — 1 минг 100 квадрат метр бўлган байроқ ҳарбий аскарлар кўмагида кенг ёйилган.
Ушбу улкан байроқ ҳарбий оркестр жўрлигида мусиқа садолари остида шаҳар кўчалари бўйлаб олиб ўтилган.
Маълумот учун, Фарғона вилоятидаги яна бир улкан байроқ Қўқон шаҳридаги Озодлик хиёбонида жойлашган. Байроқнинг баландлиги 16 метр, ҳажми 6 метрга 3 метр.
У 2019 йил 18 ноябрда Ўзбекистон Давлат байроғи қабул қилинган сана муносабати билан ўрнатилган.
Маълумот учун, Ўзбекистондаги энг баланд давлат байроқлари шунингдек, Тошкент шаҳрида 65 метр, Тошкент вилоятида 50 метр, Андижонда 64 метр, Бухорода 65 метр, Навоийда 62,5 метр, Наманганда 35-метр, Самарқандда 60 метр ва Ургутда 62 метр, Қашқадарёнинг Қарши шаҳрида 35 метр, Деҳқонобод туманида 40 метр баландликда ўрнатилган.
Мавзуга доир: Қаршидаги улкан байроқ ўрнатилиши яна тўхтатилди. Унга сарфланадиган маблағ йўл таъмирига ишлатиладиган бўлди
Изоҳ (0)