Jahon sog‘liqni saqlash tashkiloti (JSST) bir milliardga yaqin yoshlar quloqchin yordamida musiqa tinglashi yoki baland musiqali joylarga borishi tufayli eshitish qobiliyatini yo‘qotish mumkinligini ma‘lum qildi. Bu haqda Medical Express xabar berdi.
Mutaxassislar yoshlarni quloqchinda musiqa eshitayotganda ehtiyot bo‘lishga chaqirdi. Hukumatlar va ishlab chiqaruvchilardan esa kelajakda eshitish qobiliyatini himoya qilish uchun ko‘proq harakat qilish so‘raldi. JSST hisobot doirasida 12 yoshdan 34 yoshgacha bo‘lgan 19 mingdan ortiq ishtirokchilarni qamrab olgan 33 ta tadqiqot ma‘lumotlarini ko‘rib chiqdi.
Natijada, yoshlarning 24 foizi quloqchindan kelayotgan baland musiqa oqibatida, 48 foizi konsert va tungi klublarga tashrif buyurgani ortidan eshitish qobiliyatiga zarar yetkazgani aniqlandi. Ushbu ma‘lumotlarni birlashtirib, ekspertlar 670 milliondan 1,35 milliardgacha odam eshitish qobiliyatini yo‘qotish xavfi ostida bo‘lishi mumkin degan xulosaga keldi.
Mavzuga doir:
Izoh (0)