UzVC Milliy venchur jamg‘armasi Startup Growth dasturini (SGP) ishga tushirilishiga bag‘ishlangan birinchi konferensiyani o‘tkazdi. Bu haqda jamg‘arma matbuot xizmati xabar bermoqda.
Bolalar dinamik jamiyat uchun zarur bo‘lganidek, rivojlanayotgan iqtisod uchun yangi paydo bo‘lgan kompaniyalar, ya’ni startaplar juda muhimdir. Shu sababli UzVC Milliy venchur jamg‘armasi, O‘zbekistonda mahalliy startaplar uchun yangi individual UzVC Startup Growth Program (SGP)ni ishga tushirdi, — deyiladi UzVC xabarida.
Ta’kidlanishicha, dastur davlat ko‘magida o‘zbek startaplariga o‘sish va tashqi bozorlarga chiqish yo‘lida jahon andozalaridagi tajriba bilan ta’minlash maqsadida amalga oshirilmoqda.
SPG O‘zbekistondan tashqarida o‘sish va bozorlarga chiqish uchun zarur bo‘lgan mablag‘ yig‘ish strategiyalari kabi masalalarni qamrab oladi.
Biz qimmatbaho mahsulotlar, xizmatlarni ishlab chiqish va daromadli kompaniyalar yaratish uchun odamlar bir-birini qo‘llab-quvvatlaydigan turli xil hamjamiyatni yaratmoqdamiz, — deydi UzVC bosh direktori Dilshod Xoshimov.
U Silikon vodiysi mutaxassislarini Inha universitetida o‘z ekotizimimiz muvaffaqiyati uchun mezon belgilashda yordam berishlari uchun ko‘rsatganidan xursandligini ta’kidlagan.
Bundan tashqari konferensiyada UzVC katta maslahatchisi Alisher Shayxov, Express24 bosh direktori va asoschisi Akmal Paiziyev, I2BF Global Ventures investitsiya bo‘yicha direktori Denis Kalishkin, Pulsar hamkori Adrien Henni (Fransiya) kabi ma’ruzachilar ishtirok etdi.
Avvalroq O‘zbekistonning tarixiy shaharlari virtual reallikka o‘tkazilayotgani haqida xabar berilgan edi.
Izoh (0)