So‘xliklarga Qirg‘iziston chegarasidan o‘tib-qaytishda yengillik beriladi

Bosh vazir Abdulla Aripovning ma’lum qilishicha, Qirg‘iziston hududida joylashgan, O‘zbekistonning eksklav hududi bo‘lgan So‘x tumani aholisining chegaradan o‘tib-qaytishida yanada yengillik yaratish bo‘yicha ikki davlat hukumatlari o‘zaro kelishuvga erishgan.

Ta’kidlanishicha, chegaradan o‘tishda aholining muammolaridan biri byurokratiya hisoblanadi. Xususan, so‘xliklar xorijga chiqish pasportiga ega bo‘lishlari shart edi. Har bir o‘tish va ortga qaytishda fuqaro pasportiga 8 ta shtamp bosilgan. Doimiy ishlaydigan aholi bo‘lsa, 1 oyga qolmay pasporti to‘lib qolgan.

Buning oldini olish uchun 2 ta kelishuvga erishilgan:

• Vaqtincha pasportlar ichiga qo‘shimcha ilova qo‘shish. Shunda yangi pasport olish shart bo‘lmaydi.
• Kelgusida so‘xliklarga Qirg‘iziston chegarasidan o‘tishda ID-pasporti orqali o‘tishga ruxsat berish. Shunda ularning chegaradan kirdi-chiqdisi elektron qurilmada qayd etiladi, pasportga shtamp bosishga hojat qolmaydi. Mazkur tizim ustida ishlanmoqda, tez orada ishga tushishi kutilmoqda.

Mavzuga doir:

• Abdulla Aripov So‘x bo‘yicha hech bir topshiriq “qog‘oz”da qolmasligini ta’kidladi
• Bosh vazir Abdulla Aripov So‘x tumaniga tashrif buyurdi