Isroil Suriyadagi Eron va Rossiya harbiylari tomonidan foydalanib kelingan yirik aviabazaga raketa hujumi uyushtirdi. Bu haqda Suriya OAVlariga tayanib, “Korrespondent.net” xabar berdi.
Xususan, SANA axborot agentligining xabar berishicha, Shayrat aerodromiga raketa hujumi oqibatida ikki nafar harbiy xizmatchi halok bo‘lgan, uch nafari yaralangan.
Harbiy manbalarning aniqlik kiritishicha, bu aviabaza Homs shahri janubi-sharqida joylashgan va yaqinda undan Eron harbiylari foydalangan.
Shuningdek, huquq-tartibot idoralaridagi manbalarning xabar berishicha, Suriyada harbiy ishtirokini saqlab turgan Rossiya qo‘shinlari Shayrat aviabazasi yaqinida joylashgan va bu obyektdan foydalanib keladi.
Suriya Inson huquqlari markazi (SOHR) Isroil qiruvchi samolyotlaridan to‘rtta raketa nishonga uchirilganini yozdi.
Isroil mudofaa kuchlari an’anasiga muvofiq bunday operatsiyalar haqidagi xabarlarga izoh berishdan bosh tortmoqda.
Izoh (0)