Indoneziya hukumati vakillari, shu jumladan, respublika prezidenti Joko Vidodo, G20 sammiti chog‘ida G‘arb mamlakatlari yetakchilarini Rossiyaga nisbatan munosabatlarini yumshatishga chaqirdi, deb yozadi Politico o‘z manbalariga tayanib.
“Amerika, Yevropa, Avstraliya, Kanada va Yaponiya rasmiy shaxslariga prezident Joko Vidodogacha bo‘lgan indoneziyalik hamkasblari tomonidan bosim o‘tkazilib, ulardan ‘moslashuvchanlik’ni namoyish qilish va Rossiyaga nisbatan unchalik qat’iy bo‘lmagan gaplarni qo‘llash imkoniyatini ko‘rib chiqish so‘raldi”, — deyiladi xabarda.
Nashr manbalari ma’lumotlariga ko‘ra, Vidodo yakuniy bayonot qabul qilinsa, buni “o‘zining shaxsiy muvaffaqiyati” deb hisoblaydi — Indoneziya prezidenti tashkilotning butun tarixi davomidagi eng murakkab sammitda raislik qilishiga to‘g‘ri kelayotganini bir necha marta ta’kidlagan.
Shuningdek, Indoneziya prezidenti G20 ni G19 sifatida qayta tashkil qilish (2014-yilda G8 G7 ga aylantirilgani kabi — Qrim Rossiya tarkibiga qo‘shilganidan keyin, u xalqaro klubdan chiqarib yuborilgan edi) istiqbollaridan qochishga ham urinmoqda, deb yozadi Politico.
Rossiya Ukrainada maxsus operatsiya boshlaganidan keyin G‘arb mamlakatlari unga sanksiyaviy bosimni kuchaytirdi. Rossiya sanksiyalarni noqonuniy deb hisoblaydi. Ayni vaqtda Moskva Kiyev bilan sulh haqidagi muzokaralarga tayyorligini bir necha bor ta’kidlagan.
Ukraina prezidenti Vladimir Zelenskiy Kiyev “haqiqatda yarashuvga tayyor bo‘ladigan” Rossiya bilan gaplashishini aytgan. Muloqotni qayta boshlash uchun u hududiy yaxlitlikning tiklanishi, zararning qoplanishi va “bularning barchasi boshqa takrorlanmasligining kafolatlanishi” shartlarini ilgari surgan.
AQSH moliya vaziri Janet Yellen Rossiya va Ukraina sulhga erishgan taqdirda, sanksiyalarga tuzatishlar kiritilishi mumkinligini, ammo “sodir bo‘lgan narsalarni hisobga olib”, bir qator cheklovlar saqlanib qolishi mumkinligini aytgandi.
Izoh (0)