26 ёшли Жессика Гейген нуфузли гўзаллик танловининг финалида 30 та рақибини мағлуб этиб, чемпионликни қўлга киритди. Аммо унинг тожга борадиган йўли узоқ ва машаққатли эди.
Энди Жессика гўзаллик танловларида фаол иштирок этадиган соҳибжамол аёл. Айтганча, у бир йил олдин ҳам «Мисс Англия» унвонини олишга уриниб кўрган, аммо иккинчи уринишдагина муваффақият қозонган.
Кўп йиллар давомида қиз ташқи кўринишидан уялиб юрган. Бунинг сабабларидан бири сочининг ранги эди. «Ўрта мактабда малласоч бўлганим учун масхара қилишарди», — дейди «Мисс Англия».
«Мени мактабда ҳар куни масхара қилишарди. Ёлғиз ўзим ҳожатхонада тушлик қилардим: ҳеч ким мен билан ўтиришни хоҳламасди», — деб эслайди Жессика.
Қиз аллақачон бир нечта гўзаллик танловларида қатнашган. «Мисс Англия» унвони эса у учун айниқса муҳимдир, чунки танловнинг 94 йиллик тарихида ҳеч қачон малласоч иштирокчи ғолиб бўлмаган.
Жессика моделлик агентлиги билан шартнома имзолайди ва Мисс Англия сифатида хайрия ишлари билан шуғулланади. Аммо унинг асосий фаолияти бошқа.
Жессика аэрокосмик муҳандислик бўйича университетда ўқиган. Ҳозирда эса магистратурада таҳсил олмоқда.
Жессиканинг сўзларига кўра, унинг танловдаги ғалабаси болалигида ўзи бошдан кечирган камситишларга ўхшаш ҳолатга дуч келган болаларга ўзига ишониш кераклигини кўрсатади.
Изоҳ (0)