Surxondaryo viloyatining Boysun tumanida o‘qituvchi 19 yoshli qizning nomusiga teggani, bu holat yetarli darajada o‘rganilmayotgani xabar berilgandi. Viloyat prokuraturasi mazkur axborotga munosabat bildirdi.
Aniqlanishicha, Boysun tumani “Dehibolo” mahallasida yashovchi fuqaro N.Q. tuman IIBga 2022-yilning 10-oktabr kuni murojaat qilib, 19 yoshli qizi F.ni qo‘shnisi N.S. nomusiga tegib, uning yalang‘och holatini qo‘l telefonida videoga olib tanishlariga tarqatganligini bildirgan.
Sud tibbiy ekspertiza xulosasiga ko‘ra, qizning qizlik iffati anatomik butunligi, uning badanida og‘irlik darajasi bo‘yicha sog‘lig‘ining buzilishiga sababchi bo‘lmagan yengil tan jarohati ekanligi ko‘rsatilgan. Mazkur holat yuzasidan tuman IIB tomonidan tergovga qadar tekshiruv harakatlari o‘tkazilib, 2022-yilning 10-noyabr kuni Jinoyat kodeksining 140-moddasi 2-qismi (haqorat qilish) bilan jinoyat ishi qo‘zg‘atilib, tergov harakatlari olib borilmoqda, — deyiladi prokuratura axborotida.Qo‘shimcha qilinishicha, jinoyat ishi tergovi tuman prokuraturasi tomonidan nazoratga olingan.
Izoh (0)