Сурхондарё вилоятининг Бойсун туманида ўқитувчи 19 ёшли қизнинг номусига теккани, бу ҳолат етарли даражада ўрганилмаётгани хабар берилганди. Вилоят прокуратураси мазкур ахборотга муносабат билдирди.
Аниқланишича, Бойсун тумани «Деҳиболо» маҳалласида яшовчи фуқаро Н.Қ. туман ИИБга 2022 йилнинг 10 октябрь куни мурожаат қилиб, 19 ёшли қизи Ф.ни қўшниси Н.С. номусига тегиб, унинг яланғоч ҳолатини қўл телефонида видеога олиб танишларига тарқатганлигини билдирган.
Суд тиббий экспертиза хулосасига кўра, қизнинг қизлик иффати анатомик бутунлиги, унинг баданида оғирлик даражаси бўйича соғлиғининг бузилишига сабабчи бўлмаган енгил тан жароҳати эканлиги кўрсатилган. Мазкур ҳолат юзасидан туман ИИБ томонидан терговга қадар текширув ҳаракатлари ўтказилиб, 2022 йилнинг 10 ноябрь куни Жиноят кодексининг 140-моддаси 2-қисми (ҳақорат қилиш) билан жиноят иши қўзғатилиб, тергов ҳаракатлари олиб борилмоқда, — дейилади прокуратура ахборотида.Қўшимча қилинишича, жиноят иши тергови туман прокуратураси томонидан назоратга олинган.
Изоҳ (0)