Ijtimoiy tarmoqlarda maktab o‘qituvchilari tomonidan hududdagi xonadonlarda yashovchi maktab yoshidagi bolalar haqida ma’lumotlar yig‘ilayotgani haqida xabar tarqaldi. Odam savdosiga va Majburiy mehnatga qarshi kurashish bo‘yicha komissiya murojaat bilan chiqdi.
Qayd etilishicha, milliy komissiya xodimlarni o‘z funksional vazifasiga kirmaydigan ishlarga jalb etish faktlarini to‘liq qoralaydi.
Birgina joriy yilning 9 oyi davomida barcha tarmoqlar bo‘yicha jami 21 nafar mansabdor shaxs, xususan, xalq ta’limi tizimidagi 9 nafar, tibbiyot sohasidagi 5 nafar mansabdor shaxs xodimlarni majburiy mehnatga jalb etgani sababli Ma’muriy javobgarlik to‘g‘risidagi kodeksning tegishli moddasiga asosan javobgarlikka tortilgan.
Murojaatda aytilishicha, nafaqat Xalq ta’limi va Sog‘liqni saqlash vazirliklari, balki boshqa vazirlik va idoralar bilan birgalikda xodimlarning o‘z funksional vazifalaridan boshqa ishlarga jalb etilishining oldini olish bo‘yicha zarur choralarni ko‘rib boradi.
O‘z navbatida, komissiya fuqarolardan majburiy tarzda biror bir mehnatga jalb etish, munosib mehnat va dam olish sharoitlarini yaratish bilan bog‘liq muammolar bo‘lganda 1176 hamda 1092 raqamli ishonch telefonlariga murojaat qilishlarini so‘radi.
Izoh (0)