Чеченистон раҳбари Рамзан Қодиров Россия қўшинлари қўмондони Сергей Суровикинга Херсондан қўшинларни олиб чиқиб, йигитларига ғамхўрлик қилгани учун миннатдорлик билдирди, деб ёзади «РБК».
Қодировнинг сўзларига кўра, «Генерал Суровикин баланд овоздаги баёнотлар учун бемаъни қурбонликлар ва аскарларнинг бебаҳо ҳаётини сақлаб қолиш ўртасидаги қийин, аммо тўғри танловни амалга оширди».
«Херсон — ўқ-дориларни барқарор таъминлаш ва кучли, ишончли таянч қисмни шакллантириш имконияти жуда қийин бўлган ҳудуд. Нега бу махсус операциянинг биринчи кунлариданоқ амалга оширилмади? Бу бошқа савол», — деб ёзади Қодиров.
У Херсоннинг «бой берилгани» ҳақида гапиришга шошилмасликка чақирди. «Аскарлар жонини асраш учун вақтинча чекинилмоқда», — деб ҳисоблайди Қодиров.
9 ноябрь куни эрталаб россиялик «ҳарбий мухбирлар» Херсондаги бинолардан Россия байроқлари олиб ташланганини, босиб олинган Снигиревкадан шаҳар томон кетаётганда кўприклар портлатиб юборилганини хабар қилди.
Кечга яқин Россия қўшинлар қўмондони Сергей Суровикин аскарларни Днепрнинг ўнг қирғоғидан олиб чиқишни таклиф қилди. Россия мудофаа вазири Сергей Шойгу бу таклифга розилик билдирди.
Мавзуга доир: «Рус қўшинларини Херсондан чиқиб кетиши ҳақида гапиришга ҳали эрта» — Подоляк
Изоҳ (0)