Moskvaning Ijevsk shahridagi 88-maktabda yuz bergan otishmada yaralangan 67 yoshli ayol voqeadan bir yarim oy o‘tib, Moskva kasalxonasida vafot etdi, deb yozadi Meduza.
“U Favqulodda vaziyatlar vazirligining maxsus hay’ati tomonidan Vishnevskiy nomidagi ilmiy-tadqiqot institutining federal markaziga og‘ir ahvolda yetkazilgan. Shifokorlar shu vaqtgacha uning hayoti uchun kurashdi, ammo bemorni saqlab qola olishmadi”, — dedi Rossiya Sog‘liqni saqlash vazirligi.
Ayolning vafoti bilan Ijevsk maktabidagi otishma oqibatida halok bo‘lganlar soni 18 kishiga yetdi.
88-sonli maktabdagi otishma 26-sentabr kuni sodir bo‘lgan. Binoga ushbu maktabning 34 yoshli bitiruvchisi hujum qilib, 17 kishini, jumladan 11 bolani o‘ldirgan va 20 dan ortiq odamni jarohatlagan, shundan so‘ng u o‘z joniga qasd qilgan. Udmurtiya rasmiylariga ko‘ra, hujum qilgan erkak psixonevrologik dispanserda ro‘yxatga olingan.
Izoh (0)