Москванинг Ижевск шаҳридаги 88-мактабда юз берган отишмада яраланган 67 ёшли аёл воқеадан бир ярим ой ўтиб, Москва касалхонасида вафот этди, деб ёзади Meduza.
«У Фавқулодда вазиятлар вазирлигининг махсус ҳайъати томонидан Вишневский номидаги илмий-тадқиқот институтининг федерал марказига оғир аҳволда етказилган. Шифокорлар шу вақтгача унинг ҳаёти учун курашди, аммо беморни сақлаб қола олишмади», — деди Россия Соғлиқни сақлаш вазирлиги.
Аёлнинг вафоти билан Ижевск мактабидаги отишма оқибатида ҳалок бўлганлар сони 18 кишига етди.
88-сонли мактабдаги отишма 26 сентябрь куни содир бўлган. Бинога ушбу мактабнинг 34 ёшли битирувчиси ҳужум қилиб, 17 кишини, жумладан 11 болани ўлдирган ва 20 дан ортиқ одамни жароҳатлаган, шундан сўнг у ўз жонига қасд қилган. Удмуртия расмийларига кўра, ҳужум қилган эркак психоневрологик диспансерда рўйхатга олинган.
Изоҳ (0)