Poytaxtning Chilonzor tumanidagi ayrim hududlarda elektr ta’minotida uzilish kuzatilmoqda. Bu haqda Energetika vazirligi matbuot xizmati xabar berdi.
Qayd etilishicha, 3-noyabr kuni soat 17:36 da Toshkent shahrining Chilonzor tumani 35/6 kV kuchlanishli “Chilonzor” podstansiyasining 16 MVA quvvatli transformatorida avariyaviy o‘chish yuzaga kelgan. Oqibatda podstansiyasining 2-transformatoridagi yuklamani me’yorida ushlash uchun Chilonzor tumanining 1,2,4 va 5-mavzelarida elektr ta’minotida qisqa muddatli uzilishlar kuzatilmoqda.
Voqea joyiga zudlik bilan yetib borgan Energetika vazirligi xodimlari, Uzenergoinspeksiya hamda “Hududiy elektr tarmoqlari” AJ rahbarlari tomonidan vaziyat nazoratga olingan.
Avariya yuzaga kelishiga yo‘l qo‘ygan Toshkent shahri elektr tarmoqlari korxonasi bo‘lim boshlig‘i lavozimidan ozod etildi va Chilonzor tuman elektr ta’minoti korxonasi boshlig‘iga qat’iy ogohlantirish berildi. Hozirda mutaxassislar tomonidan transformatorni sozlash ishlari davom etmoqda.
Izoh (0)