Pokiston sobiq bosh vaziri Imron Xon Gujranvala shahridagi siyosiy marsh chog‘ida yuz bergan otishmada oyog‘idan yaralandi.
Geo TV ma’lumotlariga ko‘ra, hujumda Xonning “Tehrik-i-Insaf” (Adolat uchun harakat) siyosiy partiyasidan yana bir necha yetakchi ham jarohatlangan. Sobiq bosh vazirning o‘zi kasalxonaga yotqizilgan. Hujumchi qo‘lga olingan.
Hodisa paytida Xon Islomobodda muddatidan oldin saylov o‘tkazish talabi bilan norozilik marshini o‘tkazayotgan edi, deb aniqlik kiritdi agentlik.
Pokiston bosh vaziri Shahbaz Sharif hujumni qoralab, ichki ishlar vaziri Rana Sanaullega zudlik bilan politsiya bosh inspektoridan hisobot talab qilishni buyurgan.
Izoh (0)