Покистон собиқ бош вазири Имрон Хон Гужранвала шаҳридаги сиёсий марш чоғида юз берган отишмада оёғидан яраланди.
Geo TV маълумотларига кўра, ҳужумда Хоннинг «Теҳрик-и-Инсаф» (Адолат учун ҳаракат) сиёсий партиясидан яна бир неча етакчи ҳам жароҳатланган. Собиқ бош вазирнинг ўзи касалхонага ётқизилган. Ҳужумчи қўлга олинган.
Ҳодиса пайтида Хон Исломободда муддатидан олдин сайлов ўтказиш талаби билан норозилик маршини ўтказаётган эди, деб аниқлик киритди агентлик.
Покистон бош вазири Шаҳбаз Шариф ҳужумни қоралаб, ички ишлар вазири Рана Санауллега зудлик билан полиция бош инспекторидан ҳисобот талаб қилишни буюрган.
Изоҳ (0)