Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.
Xonanda Sevinch Mo‘minova qizalog‘i Leyla bilan Sharm ash-Shayxda dam olayotgani aks etgan videolavhalarni muxlislariga ko‘rsatdi.
Kaniza sahifasiga yangi suratlarini joyladi, shuningdek, sariq rang u uchun do‘stlik va ayriliq ramzi emas, ishq ramzi ekanini aytdi.
Bollivud yulduzi Shohrux Xon 2-noyabr kuni tug‘ilgan kunini nishonladi. Aktyorning Mumbaydagi uyi oldida minglab muxlislari uni tabriklash uchun yig‘ildi.
“Ushbu manzarani mehr-muhabbat dengizi deb atagan bo‘lardim. Hammangizga bu yerga kelib, meni tabriklaganingiz uchun rahmat aytaman! Qalbim shu onda minnatdorchilik va sizga bo‘lgan muhabbat bilan to‘la”, — deb yozadi aktyor.
Instabloger, tiktoker Liil Xurramov yangi suratini sahifasiga joyladi va muxlislaridan ularga qaysi xislati yoqishini so‘radi.
Aktrisa Asal Shodiyeva “Uyga qaytish” filmining suratga olish jarayonida yig‘lagani aks etgan videoni e’lon qildi.
Bek vines taxallusi bilan ijod qiluvchi vayner Ozodbek onasi va opasiga Umra yo‘llanmasini sovg‘a qildi.
Shahlo Zoirova muxlislariga yangi surati bilan ko‘rinish berdi va ularning barchasiga omad quyoshi porlashini tiladi.
Xonanda Munisa Rizayeva Botanika bog‘iga borib, muxlislari bilan birga vaqt o‘tkazgani aks etgan videoni e’lon qildi.
Bollivudning dunyoga mashhur aktrisalaridan biri Karina Kapur sahifasiga opasi Karishma Kapur bilan tushgan suratini joyladi.
Aktrisa Shahzoda Muhammedova hamkasblari Rayhon Ulasenova, Rixsitilla Abdullayev, Sitora Farmonova, Mashhura Zulfiqorova va delegatsiya a’zolari bilan Istanbuldagi Ko‘rkut ata kinofestivalida ishtirok etayotgani aks etgan videoni obunachilariga namoyish qildi.
Shahzoda Muhammedova Turkiyaning Bursa shahrida o‘tkazilayotgan Ko‘rkut ata kinofestivalida tushgan suratini ham sahifasiga joyladi.
Xonanda Dildora Niyozova “Ayol qismati” nomli yangi film uchun saundtrek kuyladi.
Xalq ardog‘idagi aktyor Ubaydullo Omon yangi filmda suratga tushmoqda.
Xonanda Asilbek Amanulloh sahifasiga oilasi bilan tushgan suratini joyladi va o‘g‘li Mustafoni tug‘ilgan kuni bilan tabrikladi.
Aktyor Davron Asqarov muxlislariga inson hech qachon yaxshi niyat qilishdan to‘xtamaslik kerakligi haqida gapirdi.
Alisher Usmonovning jiyani Ganya Usmonova sahifasiga turmush o‘rtog‘i va qizalog‘i bilan tushgan suratini joyladi.
Raqqosa Parizoda folloverlariga ayollar kiyimlari reklamasida model sifatida suratga tushgani aks etgan videoni namoyish qildi.
Shuningdek, Parizoda ijodiy jamoasidagi raqqosalar bilan dengiz bo‘ylab sayohatda kemaning ichida raqsga tushdi.
Lola sahifasiga qizalog‘i Aisha bilan tushgan suratini joyladi va YUNESKOning maktabgacha yoshdagi bolalarga ta’lim berish tizimi, bu sohada o‘tkazilishi rejalashtirilayotgan tadbirlar haqida gapirdi. Xonanda, shuningdek, ona sifatida bu ishlarni qo‘llab-quvvatlashini aytdi.
Rossiyada Gafur taxallusi bilan ijod qiluvchi xonanda Abdug‘ofur tez kunlarda yangi qo‘shig‘ini muxlislariga taqdim etishini ma’lum qildi.
Xonanda Jasur Umirov onasi va singlisining Umra safariga borgani aks etgan videoni muxlislari bilan bo‘lishdi.
Mavzuga doir:
- Instagram: Tug‘ilgan kunini nishonlayotgan mashhurlar, iPhone 14 olmaydigan Zarina, Durdona Qurbonovaga sevgi izhor qilishdi.
- Instagram: Yangi mashinali bo‘lgan Jahongir Otajonov, Zara G‘aniyevaga kutilmagan sovg‘a, Zohid Risqiyevga atab qo‘shiq kuylagan Shohrux.
- Instagram: Ijodga qaytayotgan Shahriyor, tug‘ilgan kunini nishonlagan Jambul Muhammedov, patir sotayotgan Asal Shodiyeva.
- Instagram: AQSHdagi osmono‘par binoda raqsga tushgan Bunyodbek Saidov, Shukurullo Isroilov xonadonida to‘y, singlisini uzatgan Dili.me.
Izoh (0)