Gollivud yulduzi Dueyn Jonson ishtirokidagi “Qora Adam” komiks filmi butun dunyo bo‘ylab kinoteatrlarda 250 million dollar miqdoridagi mablag‘ni yig‘ishga muvaffaq bo‘ldi. Film 21-oktabr kuni katta ekranlarga chiqqan edi.
Kartina AQSHda ikkinchi haftada ham namoyish etilayotgan kinokartinalar orasida yetakchilikni qo‘lga kiritdi va umumiy 111 million dollar ishlab topdi. Xalqaro hududlarda film 139 million dollardan ko‘proq mablag‘ yig‘di.
“Qora Adam” filmi 6000 yildan ko‘proq vaqt oldin ilohiy kuchlardan noto‘g‘ri foydalangani uchun qamoqqa tashlangan misrlik Tet-Adam haqida hikoya qiladi. Oradan ming yillar o‘tgach, u ozod bo‘lishga va hayotda yangi ma’no topishga muvaffaq bo‘ladi. Filmda shuningdek, Supermen rolida Genri Kavill, Pirs Brosnan, Noa Sentineo, Eldis Xoj kabi aktyorlar suratga tushgan.
Izoh (0)