Bugun, 3-noyabr kuni Angliya banki qayta moliyalash bo‘yicha bazaviy stavkasini 2,25 foizdan 3 foizga oshirganini e’lon qildi.
Bu 2008-yildan buyon rekord darajadir. 0,75 foiz stavkaning oshishi Angliya banki uchun 1989-yildan beri eng yuqori ko‘rsatkich bo‘ldi.
Bunday qaror bozor ishtirokchilari tomonidan doimiy yuqori inflyatsiya fonida kutilgan edi — sentabr oyida Buyuk Britaniyada narxlar 10,1 foizga oshgan.
Shunday qilib, sentabrda inflyatsiyaning asosiy ko‘rsatkichi joriy yilning iyul oyi darajasiga qaytdi, bunda yillik inflyatsiya darajasi bo‘yicha 40 yillik rekord o‘rnatildi.
Oziq-ovqat, alkogolsiz ichimliklar va energiya narxlari eng ko‘p o‘smoqda. Bank to‘rtinchi chorakda inflyatsiya 11 foizga yaqinlashishi mumkinligini istisno qilmadi.
O‘z bayonotida Angliya banki ko‘plab tahlilchilarning kelajakda stavkani yanada barqaror ravishda oshirishga qaratilgan taxminlarini tasdiqladi.
Avvalroq AQSH Federal rezerv tizimi ketma-ket to‘rtinchi marta bazaviy stavkani 0,75 foizga oshirgandi.
Izoh (0)