Бугун, 3 ноябрь куни Англия банки қайта молиялаш бўйича базавий ставкасини 2,25 фоиздан 3 фоизга оширганини эълон қилди.
Бу 2008 йилдан буён рекорд даражадир. 0,75 фоиз ставканинг ошиши Англия банки учун 1989 йилдан бери энг юқори кўрсаткич бўлди.
Бундай қарор бозор иштирокчилари томонидан доимий юқори инфляция фонида кутилган эди — сентябрь ойида Буюк Британияда нархлар 10,1 фоизга ошган.
Шундай қилиб, сентябрда инфляциянинг асосий кўрсаткичи жорий йилнинг июль ойи даражасига қайтди, бунда йиллик инфляция даражаси бўйича 40 йиллик рекорд ўрнатилди.
Озиқ-овқат, алкоголсиз ичимликлар ва энергия нархлари энг кўп ўсмоқда. Банк тўртинчи чоракда инфляция 11 фоизга яқинлашиши мумкинлигини истисно қилмади.
Ўз баёнотида Англия банки кўплаб таҳлилчиларнинг келажакда ставкани янада барқарор равишда оширишга қаратилган тахминларини тасдиқлади.
Аввалроқ АҚШ Федерал резерв тизими кетма-кет тўртинчи марта базавий ставкани 0,75 фоизга оширганди.
Изоҳ (0)