UzAuto Motors’ning 2022-yilning yanvar—oktabr oylaridagi umumiy tushumi 26,6 trillion so‘mni tashkil etdi. Bu haqda “Daryo”ga kompaniya moliyaviy hisobotidan ma’lum bo‘ldi.
Bu ko‘rsatkich 2021-yilga nisbatan deyarli ikki baravar oshdi — o‘shanda 15,4 trillion so‘m bo‘lgan edi.
Yil boshidan beri sotilgan mahsulotlar tannarxi ham sezilarli darajada oshdi — 12,3 trillion so‘mdan 22,83 trillion so‘mga yetdi.
UzAuto Motors yil boshidan beri 358 milliard so‘m soliq to‘lagan. Kompaniyaning uchinchi chorakdagi to‘lagan solig‘i atigi 23,5 milliard so‘mni tashkil qilgan.
Shunday qilib, kompaniyaning yarim yillik sof foydasi 1,83 trillion so‘mni tashkil etdi. Bu o‘tgan yilning shu davriga nisbatan bir yarim barobar ko‘pdir — o‘shanda 1,25 milliard so‘m edi.
Kompaniyaning joriy yil uchinchi chorakdagi foydasi 58,3 mlrd so‘mni tashkil qilib avvalgi choraklarga nisbatan keskin past bo‘ldi.
Avvalroq UzAuto Motors Rossiya va Shveysariya banklari o‘rtasidagi mojaroga sabab bo‘lgan edi.
Izoh (1)
200 trillion bo'lishi kere adashmanglar yashasin manapoliya