AQSH Federal rezerv tizimi (Fed) bazaviy foiz stavkasini ketma-ket to‘rtinchi marta 0,75 foizga ko‘tarib, yillik 3,75-4 foizgacha oshirdi. Bu haqda Fed xabarida aytiladi.
Endi AQSHdagi foiz stavkasi 2008-yilgi moliyaviy inqirozdan beri eng yuqori darajaga yetdi. Bu Fed’ning 1980-yillardan beri pul-kredit siyosatining eng agressiv qattiqlashuvidir.
Ta’kidlanishicha, qaror Fed tomonidan maksimal bandlik va pastroq inflyatsiya maqsadiga erishish uchun qabul qilingan.
Inflyatsiyani 2 foizgacha tushirish uchun Fed o‘zining G‘aznachilik va ipoteka bilan ta’minlangan qimmatli qog‘ozlarni qo‘shish siyosatini davom ettiradi.
Ma’lum bo‘lishicha, 2-noyabr kuni erta tongda AQSH kongressidagi demokratlar Fed raisi Jerom Pauellga maktub yo‘llagan.
Demokratlar bazaviy foiz stavkasining “xavfli” o‘sishini tanqid qilgan. Ularning fikricha, bu katta ish o‘rinlarini yo‘qotishga olib kelishi mumkin.
Oxirgi marta Fed 21-sentabrda ham stavkani 0,75 foizga oshirgan edi.
Izoh (0)