Ozarbayjon bilan savdo-iqtisodiy aloqalarni rivojlantirish doirasida elchi Bahrom Ashrafxonov “Caspian Energy Club” guruhi raisi va bosh ijrochi direktori Telman Aliyev bilan uchrashdi, deb xabar bermoqda “Dunyo” axborot agentligi.
Suhbat chog‘ida Shavkat Mirziyoyev rahnamoligida amalga oshirilayotgan o‘zgarishlar xalqaro ishbilarmon doiralar, jumladan, Ozarbayjon vakillari e’tiborini faol jalb qilayotgani ta’kidlangan.
Telman Aliyev “Caspian Energy Club” guruhi Ozarbayjon—O‘zbekiston savdo-iqtisodiy va sarmoyaviy hamkorligini rivojlantirishga hissa qo‘shishga tayyorligini tasdiqlagan. Bu vazifani amalga oshirish maqsadida noyabr oyi oxirida Ozarbayjon tadbirkorlarining O‘zbekistonga xizmat safarini tashkil etish bo‘yicha kelishuvga erishilgan. Uning doirasida hamkorlikda biznes-forum, shuningdek, ikki davlat ishbilarmon doiralarining “B2B” shaklidagi uchrashuvlarini o‘tkazish rejalashtirilgan.
Izoh (0)