Самарқанд вилояти Жомбой туманида 31 октябрь куни «DAF» юк автомобили ёниб кетди. Бу ҳақда Йўл ҳаракати хавфсизлиги бошқармаси хабар қилди.
Қайд этилишича, йўл-транспорт ҳодисаси шу куни соат 15:30 ларда Жомбой тумани ҳудудидан ўтувчи М-39 Тошкент—Самарқанд автомобиль йўлининг 1071-километрида содир бўлган. «DAF» юк автомобилининг олд чап томон шинаси ҳаво қўйиб юбориши оқибатида ҳайдовчи бошқарувни йўқотган ва олдинда ортга қайрилиб олиш манёврини бажараётган ҳайдовчи бошқарувидаги «Lada Largus» автомобилига тўқнашган.
Тўқнашув оқибатида юк автомобилида ёнғин юзага келган.
4
Ёнғин ўт ўчирувчилар томонидан бартараф этилган. ЙТҲ оқибатида «Lada Largus» автомобилининг ҳайдовчиси шифохонага олиб кетилган.
Ҳозирда суриштирув ҳаракатлари олиб борилмоқда.
Изоҳ (0)