Disney ilk bor to‘ladan kelgan qahramon haqida multfilm suratga oldi

Disney+ striming xizmati o‘zining qisqa metrajli loyihalarining ikkinchi mavsumi uchun treylerni e’lon qildi, deb yozadi Elle.

Butun dunyo bo‘ylab ommaviy axborot vositalarining e’tiborini “Reflect” (“Aks”) loyihasi jalb qildi. Uning qahramoni Byanka ismli maftunkor balerina bo‘lib, u raqs yordamida oynadagi o‘z aksi bilan kurashadi. Bu kartinaning o‘ziga xos xususiyati nimada? Gap shundaki, Byanka Disney tarixidagi to‘lachadan kelgan birinchi multfilm qahramoni. Qisqa metrajli film nafaqat ekrandagi inklyuzivlik uchun kurash, balki ancha jiddiy psixologik ma’noga ham ega.

Ma’lum bo‘lishicha, multfilm jiddiy psixologik mavzuni — dismorfofobiya sindromini ochib beradi. Bu sindrom odam o‘zining qiyofasini qabul qilmaydigan, tashqi ko‘rinishidan haddan tashqari tashvishlanadigan va kamchiliklarini tuzatish uchun hamma narsa qilish bilan bog‘liq. Bu orqali animatsiya yaratuvchilari yana bir bor go‘zallik xilma-xilligini ta’kidlab, tashqi ko‘rinishidan uyaladigan bolalarga ko‘proq o‘ziga ishonch bag‘ishlashni maqsad qilgan.

Mavzuga doir:

• Yangi “Cheburashka” multfilmining treyleri taqdim etildi: bosh qahramon qanchalik o‘zgargan? (video)
• Kinotavsiya: Tosh yuraklarni ham eritib yuborishga qodir qisqa metrajli multfilmlar (video)
• “Koko siri” multfilmi qahramoniga prototip bo‘lgan meksikalik ayol 109 yoshida vafot etdi