Уэльс маликаси Диана қимматбаҳо дизайнерлик кийимларини яхши кўрарди, лекин у шахсий сабаблар туфайли кўришни ҳам истамаган машҳур бренд ҳам бор.
Шаҳзода Чарльз билан оғир ажралишдан сўнг, Диана Chanel либосларида бошқа кўринмади. Бунга жавоб излаш учун Majesty журнали муҳаррири Ингрид Сюард «Малика Диана ва шаҳзода Чарльз ўртасида аслида нима бўлган?» номли ҳужжатли фильм суратга олади. Сюарднинг сўзларига кўра, Уэльс маликаси эрининг Камилла Паркер Боулз билан яширин муносабати ҳақида тўй куниёқ билган ва қаттиқ тушкунликка тушган.
Диана кўз ёшлари билан эрининг олдига борди ва ундан нима бўлаётганини айтишини талаб қилди. Аммо Чарльз шу қадар бефарқ эдики, у заргарлик буюмларини Камиллага бериши лозимлигини айтди, холос, — дея Арбитер сўзларини келтиради Британиянинг Express таблоиди.Бундан ташқари, асал ойи давомида Чарльз уялмасдан, Камилла томонидан унга совға қилинган, бренд логотипи — кесишган иккита C ҳарфи туширилган Chanel запонкаларини тақиб юрган. Турмуш ўртоғининг бундай хатти-ҳаракати Уэльс маликасини қаттиқ хафа қилган. Кейинчалик у бош хизматкор Пол Баррельни пойабзали ва Chanel сумкаларидаги барча C ҳарфларини (Камилланинг исми инглиз тилида — Camilla) олиб ташлашга мажбур қилади. Баррельл бу ҳақда ҳужжатли фильмда шундай дейди.
У ўзи нафратланган C ҳарфларини кўрарга кўзи йўқ эди.
Бу ҳақиқатни австралиялик дизайнер Жейсон Бранд ҳам тасдиқлайди, у 1996 йилда Диана Chanel либосларидан бутунлай воз кечганига гувоҳ бўлган. Учрашувларнинг бирида у Дианага Chanel туфлисини кийиб кўришни таклиф қилади, лекин малика унга C ҳарфи бўлган ҳеч нарса киймаслигини айтади.
Ўша пайтда Диана эри билан ажрашаётган эди ва Чарльз 1994 йилда омма олдида тан олган хиёнати ҳақида эсламасликка ҳаракат қиларди. Икки фарзанд дунёга келган 15 йиллик никоҳ ҳамманинг кўз ўнгида барбод бўлади. Расмий ажралишдан бир йил ўтгач эса Уэльс маликаси Париж яқинидаги автоҳалокатда фожиали равишда вафот этади.
Изоҳ (0)