Rossiya hukumati “do‘st bo‘lmagan” mamlakatlar va hududlar ro‘yxatini kengaytirib, Britaniya suvereniteti ostida bo‘lgan, lekin uning bir qismi hisoblanmaydigan 11 ta dengiz hududlarini ham kiritdi.
Ilgari ushbu ro‘yxatga Buyuk Britaniya nazoratidagi uchta hudud – Angilya oroli, Britaniya Virjiniya orollari va Gibraltar kiritilgan edi. Rossiyaga “do‘st bo‘lmaganlar” ro‘yxatiga endi Britaniyaning barcha 14 ta xojiriy hududi kirmoqda.
Rossiyada “do‘st bo‘lmagan” mamlakatlar va hududlar ro‘yxati 2021-yildan beri yuritiladi. Eng birinchi unga AQSH va Chexiya kiritilgan. Ukrainada urush boshlanib, sanksiyalar qo‘llangandan so‘ng, barcha Yevropa Ittifoqi davlatlari, Ukraina va sanksiyalarni qo‘llab-quvvatlagan boshqa bir qator davlatlar undan joy oldi. Hozirda ro‘yxatga 61 ta davlat va hudud kiritilgan.
“Do‘st bo‘lmagan mamlakatlar” va ularning rezidentlari — jismoniy va yuridik shaxslarga nisbatan Rossiyada bir qator cheklovlar mavjud.
Izoh (0)