Xersonda yurgan HIMARS tizimlari, Chernigovda vayronalarni tozalash. Urushning 248-kunidan fotoreportaj
Urushning 248-kuni Rossiya Qora dengiz flotining Sevastopoldagi bazasiga dronlar hujumi va Rossiya hukumatining Ukraina portlaridan xavfsiz koridor bo‘ylab don eksport qilinadigan “don shartnomasi”dan chiqish qarori bilan esda qoldi. Rossiya mudofaa vazirligi Buyuk Britaniyani “Shimoliy oqim” quvurlariga diversiya uyushtirishda gumonladi (Londonda bu ayblov yolg‘on deb atalgan). Rossiya Telegram-kanallarida Markaziy harbiy okrug qo‘mondoni, general Aleksandr Lapinning taqdiri faol muhokama qilinmoqda. Checheniston rahbari Ramzan Qodirovning navbatdagi tanqidlaridan keyin manbalar Lapin lavozimidan ozod etilgani haqida yoza boshladi. Meduza urushning 248-kuniga oid asosiy fotosuratlarni taqdim etdi.
Xerson yaqinidagi frontda HIMARS yoppasiga o‘t ochuvchi reaktiv tizimlari
HIMARS yoppasiga o‘t ochuvchi reaktiv tizimlari — eng muhim qurol turlaridan biri va Ukrainadagi urushning haqiqiy ramzi. G‘arbning aynan shu tizimlari yordamida Ukraina Qurolli kuchlari mojaro to‘lqinini o‘zgartirishga muvaffaq bo‘ldi: Rossiya qo‘shinlariga orqadan berilgan samarali zarbalar RF Qurolli Kuchlari ta’minotini to‘xtatdi va Ukraina armiyasiga Xarkov viloyatidagi katta hududlarni qaytarib olishga yordam berdi. Shu bilan birga, yaqin vaqtgacha HIMARS frontda “arvoh” qurol bo‘lib qolayotgan edi: tizimlarning so‘nggi rasmlari iyul oyining boshida e’lon qilingan. 29-oktabr kuni HIMARS yana fotografning obyektiviga tushdi — bu safar kadrlar Xerson viloyatining shimolida, hozir urushning eng qaynoq nuqtalaridan birida olingan.Foto: EPA
HIMARS bir qator sovet raketalariga nisbatan uchta asosiy afzalliklarga ega: birinchidan, ular uchun standart raketalar GPS orqali o‘zini o‘zi yo‘naltirish tizimiga ega, shu sabab ular nishonga “raqobatchilari”ga qaraganda aniqroq boradi; ikkinchidan, HIMARS ham mobilroq, ya’ni o‘z o‘rnini tez o‘zgartiradi ham ishonchli zirhlangan; uchinchidan, dizayn xususiyatlari tufayli G‘arb tizimlarini o‘qlashga kamroq vaqt ketadi.Foto: EPA
The New York Times xabariga ko‘ra, Ukraina Qurolli kuchlaridagi HIMARS tizimlarining barcha afzalliklari Xerson viloyatida to‘liq qo‘llangan — frontning ushbu sektoridagi Ukraina artilleriyasi aniqligi va jangovar kuchi bo‘yicha Rossiyanikidan ustun, deydi manbalar. Foto: EPA
Donetsk viloyatidagi Ukraina pozitsiyalari
Xerson frontning yagona qaynoq nuqtasi emas: Donetsk viloyatining Bahmut shahri hududida ham shiddatli janglar davom etmoqda. U yerda Rossiya tomonidan “Vagner” yollanma jangchilari hujum qilmoqda. Suratda Ukraina Qurolli quchlarining 53-alohida mexanizatsiyalashgan brigadasi gaubitsalaridan biri dushman pozitsiyalariga qarata o‘q uzmoqda.Foto: Anadolu
Donetsk viloyatining frontga yaqin qishloqlaridan birida Viktor ismli ukrainalik askarni quroli va dam oladigan joyi.Foto: Reuters
Ukraina harbiylari Donetsk viloyatidagi frontga yaqin qishloqda isinish va ovqat pishirish uchun o‘tin yormoqda.Foto: Reuters
Ukraina Qurolli kuchlarining qiruvchi samolyoti Bahmut osmonida raketalarga chap berish uchun manyovr qilmoqda.Foto: Anadolu
Bahmutda pensionerning snaryadlardan yonib ketgan uyi
AFP fotografi Dimitar Dilkoff Bahmutda yashovchi 63 yoshli Lyudmila Xarchenkoning kvartirasiga artilleriya snaryadi tushishi oqibatlarini tasvirga oldi. Suratda — uyda chiqqan yong‘inga qarshi kurashayotgan o‘t o‘chiruvchi.Foto: AFP
Pensioner ayolning o‘zi mo‘jiza tufayli omon qolgan — bombardimon vaqtida u non olib kelish uchun kvartirani tark etgandi. Do‘kondan qaytgan Lyudmila o‘z kvartirasi o‘rnida xarobalarni ko‘rdi.Foto: AFP
Yongan mebel va Lyudmilaning yaqinlari portreti — pensionerning kvartirasida faqat shular qolgan.Foto: AFP
Chernigov viloyatida vayronalarni tozalayotgan ko‘ngillilar
Ukrainaning Rossiya armiyasi bir necha oy oldin chiqib ketgan hududlarida hanuz bosqin oqibatlarini bartaraf etish jarayoni davom etmoqda. 29-oktabr kuni ko‘ngillilar guruhi Chernigov viloyati Novoselovka qishlog‘ida yig‘ilib, harbiy harakatlar chog‘ida artilleriya zarbalaridan vayron bo‘lgan uylarni tozalashga kirishdi.Foto: EPA
Chernigovda ko‘ngillilar faoliyatini yangi tashkil topgan “Bo mojyemo” tashkiloti muvofiqlashtirmoqda. Bugungi kunda u nafaqat jabrlangan aholi yashash manzillari aholisini, balki butun Chernigov va Ukrainaning boshqa hududlarida yashovchilarni ham birlashtirgan.Foto: EPA
Xarobalarni tozalash — “Bo mojyemo” faollari Novoselovka va Chernigovning boshqa aholi yashash manzillari uchun ko‘rsatayotgan yordamning bir qismi. Tashkilotning asosiy vazifasi — boshpanasiz qolgan odamlarga qishda xavfsiz va issiq yashash joylari topib berish.Foto: EPA
“Bo mojyemo” faollari ishdan keyin hovlida tuzalgan stol atrofida tushlik qilmoqda.Foto: EPA
Izoh (0)