Samarqand viloyati Urgut tumanida Lacetti haydovchisi 4 nafar piyodalarni urib yubordi. Bu haqda viloyat IIB xabar qildi.
Qayd etilishicha, holat 25-oktabr kuni soat taxminan 22:30 larda Urgut tumani “G‘o‘s” mahallasi hududidan o‘tuvchi ichki yo‘lda sodir bo‘lgan. Haydovchi A.O. boshqaruvida bo‘lgan Lacetti avtomashinasini “G‘o‘s” mahallasi yo‘nalishi bo‘yicha tezlikni me’yoridan ortiq boshqarib borib, ushbu yo‘lning qatnov qismidan piyoda harakatlanib ketayotgan 4 nafar fuqarolarni urib yuborgan.
YTH oqibatida 2 nafar piyoda og‘ir tan jarohati olib Urgut tuman tibbiyot birlashmasida vafot etgan. 2 kishi shifoxonaga yotqizilgan.
Mazkur holat yuzasidan Jinoyat kodeksining 266-moddasi (transport vositalaridan foydalanish qoidalarini buzish) 3-qismi “a” bandi bilan jinoyat ishi qo‘zg‘atilgan. Hozirda tergov harakatlari olib borilmoqda.
Izoh (0)