Pentagon yangi mudofaa strategiyasini taqdim etdi. Unda Rossiya “o‘tkir tahdid” deb ataldi

Pentagon tomonidan tayyorlangan AQSHning yangi mudofaa strategiyasi Rossiyani “o‘tkir tahdid” deb atadi, biroq NATO davlatlaridan birortasiga hujum uyushtirishdan cho‘chimaydi. Bu haqda CNN’ga hujjatlar mazmuni bilan tanish bo‘lgan mudofaa vazirligidagi yuqori martabali manbalar ma’lum qildi, deb yozadi Meduza.

Ta’kidlanishicha, mudofaa strategiyasida, shuningdek, Xitoy “Qo‘shma Shtatlarga barcha jabhalarda, harbiy, iqtisodiy, texnologik va diplomatik jihatdan tizimli ravishda qarshilik ko‘rsatish niyati va qobiliyati ortib borayotgan yagona raqobatchi” ekanligini ma’lum qilingan.

“Birinchi marta biz yadroviy qurol sohasidagi ikkita asosiy raqobatchi — Xitoy va Rossiyani to‘xtatib turish zaruratidamiz. Bu ham strategik to‘xtatib turish, ham mintaqaviy urush uchun yangi muammolarni keltirib chiqarishni oldini olish masalasi”, — dedi telekanal manbasi.

Boshqa yangiliklar qatorida, CNN ta’kidlashicha, AQSH mudofaa strategiyasi Qo‘shma Shtatlarning dengizdagi qanotli raketalardan voz kechishini qayd etgan.

Strategiyada aytilishicha, yadroviy quvvatga ega dengizda uchiriladigan qanotli raketa AQSHning boshqa yadroviy qurollarini hisobga olgan holda “kerak emas”.

Milliy mudofaa strategiyasi hamda u bilan birga chop etiladigan “Yadro siyosati sharhi” va “Raketaga qarshi mudofaa sharhi” AQSH hukumatini mudofaa va harbiy strategiyalarda boshqaradigan siyosiy hujjatlardir.