Пентагон томонидан тайёрланган АҚШнинг янги мудофаа стратегияси Россияни «ўткир таҳдид» деб атади, бироқ НАТО давлатларидан бирортасига ҳужум уюштиришдан чўчимайди. Бу ҳақда CNN’га ҳужжатлар мазмуни билан таниш бўлган мудофаа вазирлигидаги юқори мартабали манбалар маълум қилди, деб ёзади Meduza.
Таъкидланишича, мудофаа стратегиясида, шунингдек, Хитой «Қўшма Штатларга барча жабҳаларда, ҳарбий, иқтисодий, технологик ва дипломатик жиҳатдан тизимли равишда қаршилик кўрсатиш нияти ва қобилияти ортиб бораётган ягона рақобатчи» эканлигини маълум қилинган.
«Биринчи марта биз ядровий қурол соҳасидаги иккита асосий рақобатчи — Хитой ва Россияни тўхтатиб туриш заруратидамиз. Бу ҳам стратегик тўхтатиб туриш, ҳам минтақавий уруш учун янги муаммоларни келтириб чиқаришни олдини олиш масаласи», — деди телеканал манбаси.
Бошқа янгиликлар қаторида, CNN таъкидлашича, АҚШ мудофаа стратегияси Қўшма Штатларнинг денгиздаги қанотли ракеталардан воз кечишини қайд этган.
Стратегияда айтилишича, ядровий қувватга эга денгизда учириладиган қанотли ракета АҚШнинг бошқа ядровий қуролларини ҳисобга олган ҳолда «керак эмас».
Миллий мудофаа стратегияси ҳамда у билан бирга чоп этиладиган «Ядро сиёсати шарҳи» ва «Ракетага қарши мудофаа шарҳи» АҚШ ҳукуматини мудофаа ва ҳарбий стратегияларда бошқарадиган сиёсий ҳужжатлардир.
Изоҳ (0)