ICT Week Uzbekistan – 2022 axborot-kommunikatsiya texnologiyalari haftaligi doirasida o‘tkazilayotgan yangi texnologiya va yechimlar taqdimoti, o‘tkazilayotgan tanlov sovrinlari haftalikka tashrif buyurgan mehmonlarning e’tiborini tortmoqda.
Yilning muhim tadbirlaridan biri – ICT Week Uzbekistan – 2022 da Uztelecom nafaqat telekommunikatsiya, balki raqamli olamning turli texnologik imkoniyatlarini omma e’tiboriga havola etmoqda. Bu safar ko‘rgazma Samarqand shahridagi Silk Road Samarkand xalqaro sayyohlik majmuasi hududida tashkil etilgan.
Ochilish marosimida Uztelecom AK bosh direktorining tijorat masalalari bo‘yicha o‘rinbosari Anvar Rasulov Axborot texnologiyalari va kommunikatsiyalarini rivojlantirish vaziri Sherzod Shermatov va Samarqand viloyati hokimi Erkinjon Turdimovlarni, shuningdek, tashrif buyurgan xalqaro delegatsiya vakillarini Uztelecom stendida namoyish etilayotgan innovatsion yangiliklar bilan tanishtirib o‘tdi.
Jumladan, Uztelecom stendi bir nechta interfaol zonalarga bo‘lingan bo‘lib, u yerda Kompaniya tomonidan amalga oshirilayotgan barcha xizmatlar bilan tanishish mumkin. Uztelecom stendining 1-qavatida o‘z-o‘ziga xizmat ko‘rsatish zonalari, interaktiv VR zonasi, Kompaniya mahsulotlarining taqdimot zonasi, jumladan bulutli xizmatlar, OTT platformasi, shuningdek, xizmatlarga ulanish zonasi, 2-qavatda esa muhim muzokaralar va uchrashuvlar o‘tkazish uchun sharoitlar yaratilgan.
Bundan tashqari, stendning har bir mehmoni uchun interaktiv ko‘ngilochar dasturi - qiziqarli tanlov va viktorinalar, shuningdek, reallik imkoniyati bilan to‘ldirilgan fotozona fonida suratga tushish imkoniyati yaratilgan. Shuningdek, Telegram bot orqali ro‘yxatdan o‘tgan mehmonlar, onlayn yoki oflayn rejimda ishtirok etish imkoniyatidan qat’i nazar, qimmatbaho sovg‘alar tanlovi ishtirokchisiga aylanib, Kompaniyaning asosiy yutug‘i - iPhone 14 Pro Max g‘olibiga aylanishlari mumkin. Stendning VR zonasida esa Kompaniya obyektlari bo‘ylab virtual sayohatni amalga oshirish hamda optik tolali kabel orqali tarmoqqa virtual ulanish imkoniyati mavjud.
Stendning 2-qavatida biznes vakillari bilan muzokaralar olib borish, turli xalqaro shartnomalar tuzish uchun shart-sharoitlar yaratilgan.
Ko‘rgazma jarayonida Uztelecom tomonidan qator telekommunikatsiya va internet xizmatlari namoyish etiladi. Xususan, kompaniya mutaxassislari tomonidan yaratilgan Mediabox OTT yangi platforma imkoniyatlari taqdimoti bo‘lib o‘tdi. Ushbu platforma orqali mijozlar yuqori sifatli video kontentidan bahramand bo‘lishlari mumkin. Kompaniyaning so‘ngi yangiliklari qatorida, shu kunlarda ishga tushirilgan yangi xizmat turi – antivirus dasturini o‘rnatish xizmatiga tegishli qulayliklar keng yoritildi.
Ta’kidlash joizki, kompaniyaning Data-markazi negizida yaratilgan Uztelecom Disk xizmati ham abonentlar e’tiborini tortdi. Ushbu xizmatdan foydalangan abonentlar o‘z ma’lumotlarini xorijiy manbalarda emas, balki respublikamiz hududida joylashgan xalqaro standartlarga javob beruvchi ma’lumotlarni qayta ishlash markazida saqlashlari mumkin.
Ko‘rgazma joriy yilning 26-oktabrgacha davom etadi va bir qator interaktiv, foydali tadbirlarni o‘zida mujassam etadi.
Uztelecom ijtimoiy tarmoqlari: utc.uz/scl
MyUztelecom mobil ilovasi: AppStore | GooglePlay
Sayt: uztelecom.uz
Texnik qo‘llab-quvvatlash: utc.uz/00e17
Reklama huquqi asosida.
Izoh (0)