ICT Week Uzbekistan – 2022 ахборот-коммуникация технологиялари ҳафталиги доирасида ўтказилаётган янги технология ва ечимлар тақдимоти, ўтказилаётган танлов совринлари ҳафталикка ташриф буюрган меҳмонларнинг эътиборини тортмоқда.
Йилнинг муҳим тадбирларидан бири – ICT Week Uzbekistan – 2022 да Uztelecom нафақат телекоммуникация, балки рақамли оламнинг турли технологик имкониятларини омма эътиборига ҳавола этмоқда. Бу сафар кўргазма Самарқанд шаҳридаги Silk Road Samarkand халқаро сайёҳлик мажмуаси ҳудудида ташкил этилган.
Очилиш маросимида Uztelecom АК бош директорининг тижорат масалалари бўйича ўринбосари Анвар Расулов Ахборот технологиялари ва коммуникацияларини ривожлантириш вазири Шерзод Шерматов ва Самарқанд вилояти ҳокими Эркинжон Турдимовларни, шунингдек, ташриф буюрган халқаро делегация вакилларини Uztelecom стендида намойиш этилаётган инновацион янгиликлар билан таништириб ўтди.
Жумладан, Uztelecom стенди бир нечта интерфаол зоналарга бўлинган бўлиб, у ерда Компания томонидан амалга оширилаётган барча хизматлар билан танишиш мумкин. Uztelecom стендининг 1-қаватида ўз-ўзига хизмат кўрсатиш зоналари, интерактив ВР зонаси, Компания маҳсулотларининг тақдимот зонаси, жумладан булутли хизматлар, ОТТ платформаси, шунингдек, хизматларга уланиш зонаси, 2-қаватда эса муҳим музокаралар ва учрашувлар ўтказиш учун шароитлар яратилган.
Бундан ташқари, стенднинг ҳар бир меҳмони учун интерактив кўнгилочар дастури - қизиқарли танлов ва викториналар, шунингдек, реаллик имконияти билан тўлдирилган фотозона фонида суратга тушиш имконияти яратилган. Шунингдек, Telegram бот орқали рўйхатдан ўтган меҳмонлар, онлайн ёки офлайн режимда иштирок этиш имкониятидан қатъи назар, қимматбаҳо совғалар танлови иштирокчисига айланиб, Компаниянинг асосий ютуғи - iPhone 14 Pro Max ғолибига айланишлари мумкин. Стенднинг ВР зонасида эса Компания объектлари бўйлаб виртуал саёҳатни амалга ошириш ҳамда оптик толали кабел орқали тармоққа виртуал уланиш имконияти мавжуд.
Стенднинг 2-қаватида бизнес вакиллари билан музокаралар олиб бориш, турли халқаро шартномалар тузиш учун шарт-шароитлар яратилган.
Кўргазма жараёнида Uztelecom томонидан қатор телекоммуникация ва интернет хизматлари намойиш этилади. Хусусан, компания мутахассислари томонидан яратилган Mediabox ОТТ янги платформа имкониятлари тақдимоти бўлиб ўтди. Ушбу платформа орқали мижозлар юқори сифатли видео контентидан баҳраманд бўлишлари мумкин. Компаниянинг сўнги янгиликлари қаторида, шу кунларда ишга туширилган янги хизмат тури – антивирус дастурини ўрнатиш хизматига тегишли қулайликлар кенг ёритилди.
Таъкидлаш жоизки, компаниянинг Дата-маркази негизида яратилган Uztelecom Disk хизмати ҳам абонентлар эътиборини тортди. Ушбу хизматдан фойдаланган абонентлар ўз маълумотларини хорижий манбаларда эмас, балки республикамиз ҳудудида жойлашган халқаро стандартларга жавоб берувчи маълумотларни қайта ишлаш марказида сақлашлари мумкин.
Кўргазма жорий йилнинг 26 октябргача давом этади ва бир қатор интерактив, фойдали тадбирларни ўзида мужассам этади.
Uztelecom ижтимоий тармоқлари: utc.uz/scl
MyUztelecom мобил иловаси: AppStore | GooglePlay
Сайт: uztelecom.uz
Техник қўллаб-қувватлаш: utc.uz/00e17
Реклама ҳуқуқи асосида.
Изоҳ (0)