O‘zbekistonda hafta davomida qanday ob-havo kuzatilishi ma’lum qilindi

“O‘zgidromet” haftaning birinchi yarmida Kaspiy dengiz hududlaridan nam va nisbatan sovuq havo massalari kirib kelishini ma’lum qildi.

Qayd etilishicha, respublika bo‘yicha vaqti-vaqti bilan yomg‘ir yog‘adi, tog‘oldi va tog‘li hududlarda yomg‘ir va qor yog‘ishi mumkin.

Dushanba va seshanba kunlari ba’zi joylarga tuman tushishi mumkin. 25-oktabrda shimoliy hududlarda, 26-oktabrda respublika hududining katta qismida shamol 15-20 metr/sekundgacha, ayrim joylarda 23-25 metr/sekundgacha kuchayishi mumkin. Ba’zi hududlarda chang to‘zonlari kuzatiladi.

Harorat foni ushbu kunlarning o‘rtacha ko‘p yillik qiymatlaridan 1-2 darajaga past bo‘ladi va kechalari harorat 5-8 daraja, kunduzi 12-15 darajani tashkil qiladi. 25-oktabrda ba’zi joylarda harorat 17-20 daraja atrofida bo‘ladi.

Ish haftasining oxiriga kelib, respublika hududi bo‘yicha nisbatan quruq va iliq ob-havo kuzatiladi. Harorat kechasi 3—8 daraja daraja, kunduzi esa 14-19 daraja atrofida bo‘ladi.