Ўзбекистонда ҳафта давомида қандай об-ҳаво кузатилиши маълум қилинди

«Ўзгидромет» ҳафтанинг биринчи ярмида Каспий денгиз ҳудудларидан нам ва нисбатан совуқ ҳаво массалари кириб келишини маълум қилди.

Қайд этилишича, республика бўйича вақти-вақти билан ёмғир ёғади, тоғолди ва тоғли ҳудудларда ёмғир ва қор ёғиши мумкин.

Душанба ва сешанба кунлари баъзи жойларга туман тушиши мумкин. 25 октябрда шимолий ҳудудларда, 26 октябрда республика ҳудудининг катта қисмида шамол 15-20 метр/секундгача, айрим жойларда 23-25 метр/секундгача кучайиши мумкин. Баъзи ҳудудларда чанг тўзонлари кузатилади.

Ҳарорат фони ушбу кунларнинг ўртача кўп йиллик қийматларидан 1-2 даражага паст бўлади ва кечалари ҳарорат 5-8 даража, кундузи 12-15 даражани ташкил қилади. 25 октябрда баъзи жойларда ҳарорат 17-20 даража атрофида бўлади.

Иш ҳафтасининг охирига келиб, республика ҳудуди бўйича нисбатан қуруқ ва илиқ об-ҳаво кузатилади. Ҳарорат кечаси 3—8 даража даража, кундузи эса 14-19 даража атрофида бўлади.