“Tojik tilidagi kitoblar o‘zbek tilidagi kitoblarga almashtirib beriladi”. Mehnat vazirligi til bayramida qilingan xatoga izoh berdi

Bandlik va mehnat munosabatlari vazirligi mas’ullarining 21-oktabr — O‘zbek tiliga davlat tili maqomi berilgan kunga bag‘ishlab o‘tkazilgan tadbirida tadbir qatnashchilariga tojik tilidagi kitoblar sovg‘a qilgani jamoatchilik muhokamasiga sabab bo‘lgandi. Vazirlik mazkur holatga izoh berdi.

Vazirlik matbuot xizmatining Kun.uz‘ga ma’lum qilishicha, tadbir uchun kitoblar sotib olinganda ularning ichiga tojik tilidagilari ham qo‘shilib qolgan.

Hozir kimlarga tojik tilidagi kitoblar tarqatilgan bo‘lsa, aniqlab o‘zbekcha kitoblar bilan almashtirib berilyapti, – dedi vazirlik matbuot xizmati rahbari Mavjuda Mirzayeva.

Vazirlik xodimlarining tadbiri haqidagi axborotlar jamoatchilikka oshkor bo‘lgach, holatga munosabat bildirganlar buni kulgiga olgan.

Vale ishtirokchilarga tojik tilidagi kitoblar sovg‘a qilinganiga nima deysiz? Buni Mir Alisher Navoiy hazratlari ko‘rganida bormi, naqd “Muhokamat-ul lug‘atayn” kitobi bilan tashkilotchilarning boshlariga urgan bo‘larmidi?” — deya kinoya qilgan RakursUz Telegram-kanali muallifi jurnalist Muslim Mirzajonov