“Yashil makon” loyihasi doirasida aslida ekilmagan 6,2 million dona ko‘chat hisobotlarga qo‘shib yozilgan. Bu haqda Senatda bo‘lib o‘tgan loyiha bo‘yicha bajarilayotgan ishlarga oid majlisda ma’lum qilingan.
Senat axborot xizmati xabariga ko‘ra, “Yashil makon” doirasida joriy yil bahorida daraxt ko‘chatlarini ekish ishlarida bir qator kamchiliklarga yo‘l qo‘yilgan.
Daraxt ekish ishlarini tizimli tashkil etmasdan, sug‘orish va parvarishlash uchun tegishli mas’ullar biriktirilmagan. Haqiqatda ekilmagan 6,2 million dona ko‘chat hisobotlarga qo‘shib yozilgan, 3,4 million dona ko‘chat sug‘orish tizimi bo‘lmagan joylarga ekilgan. Shuningdek, 2,4 million dona ko‘chat suvsizlik va yetarli parvarish bo‘lmaganligi sababli bahor tugamasdan qurib nobud bo‘lgan. Yerning tabiiy iqlim xususiyatlarini inobatga olmagan holda 341 ming dona ko‘chat yaroqsiz yerlarga ekilgan.Yig‘ilishda Senat raisi Tanzila Norboyeva “Tashabbusli byudjet” loyihasi natijalariga to‘xtalib o‘tgan
Joriy yil ikkinchi yarmida “Tashabbusli byudjet” loyihasida 9 ming 201 ta (98 foiz) mahalla ishtirok etgan. Ovoz berish yakunlariga ko‘ra, 1 ming 221 ta mahalladagi 1 ming 418 ta loyiha g‘olib deb topilib, ular uchun jami 1 trillion so‘m mablag‘ o‘tkazib berilgan.Qo‘shimcha qilinishicha, davlat budjetidan 342 ta mahalladagi 2 mingdan ortiq ovoz to‘plagan, lekin g‘olib bo‘lmagan 364 ta loyiha uchun qo‘shimcha 335 milliard so‘m mablug‘ ajratiladi.
Eslatib o‘tamiz, “Yashil makon” umummilliy loyihasi 2021-yilning kuzida respublika bo‘ylab tatbiq etila boshlangan. Loyiha doirasida hududlarda har yili kamida 200 million tup daraxt ko‘chatlari ekilishi belgilangan.
Mas’ullarga “Yashil makon” doirasida 2022-yil yakunigacha 75 million dona va 2023-yil bahor oylarida yana 125 million dona mevali va manzarali ko‘chatlar ekish vazifasi qo‘yilgan.
Izoh (1)
Шуларни касофатига эккан кўчатларимиз сотилмай қолиб кетяпти.