AOKAda “O‘zarxiv” agentligi direktori Ulug‘bek Yusupov, direktor o‘rinbosari Sherzod Sadikov va boshqa mas’ul xodimlar ishtirokida o‘tkazilgan matbuot anjumanida tizimda 9 oy davomida olib borilgan ishlar haqida ma’lumot berildi.
Qayd etilishicha, o‘tgan davr mobaynida “O‘zarxiv” agentligi tomonidan 29 289 million so‘mlik xizmatlar ko‘rsatilgan.
Bugungi kunga kelib davlat arxivlarida 144 091 saqlov birligida qog‘oz asosidagi, 11 564 051 kadr, 288 saqlov birligida kino, 17 558 hisob birligida foto, 366 saqlov birligida ovozli hujjatlarning elektron nusxalari yaratildi.
9 oy mobaynida 929 nafar o‘zbekistonlik, 39 nafar chet ellik tadqiqotchiga 47 493 saqlov birligida hujjat foydalanish uchun taqdim etildi. Shuningdek, arxivlar tomonidan tashkilot va korxonalar uchun sohaga oid ichki normativ hujjatlarni ishlab chiqish bo‘yicha jami 979 ta idoraviy hujjat ishlab chiqildi.
Izoh (0)