Sirdaryodagi portlash oqibatida qancha turar va noturar joyga talafot yetgani ma’lum qilindi

22-oktabr kuni soat 04:55 da Sirdaryo viloyati Malik aholi punktidagi Mudofaa vazirligi omborida yakka tartibda portlash sodir bo‘lgandi. Viloyatg hokimligi hodisa oqibatida yetgan talafot bo‘yicha ma’lumot berdi.

Sirdaryo tumanidagi harbiy qism omborida sodir bo‘lgan hodisa oqibatida ko‘rilgan zararni aniqlash hamda ularni bartaraf qilish maqsadida tegishli vazirlik va idoralar mas’ul vakillari hamda viloyat sektor rahbarlaridan iborat ishchi guruhi tuzilgan edi.

Harbiy qism yaqinida joylashgan mahallalar to‘liq qamrab olinib, xatlovdan o‘tkazildi. Hisob-kitoblarga ko‘ra, 3742 ta turar va noturar joyning tomi, shifti, deraza va eshik romlariga qisman talafot yetgani aniqlandi.

Ko‘rilgan amaliy choralar natijasida bugunning o‘zida 2 ming kvadrat metr oynalar aholiga yetkazilib, o‘rnatib berildi. Bu boradagi ishlar tizimli ravishda davom ettirilmoqda.

Mavzuga doir:

• Sirdaryodagi portlash yuz bergan harbiy qism atrofidagi mahallalarda yetkazilgan zararni aniqlash ishlari olib boriladi
• Sirdaryodagi portlash oqibatida 16 nafar fuqaro shikastlangan — SSV