“Milan” klubi va Fransiya terma jamoasi darvozaboni Mayk Menyan 2022-yil oxiriga qadar maydonga tushmasligi mumkin.
Posbon 22-sentabr kuni Millatlar Ligasi doirasida Fransiyaning Avstriyaga qarshi bahsida jarohat olgandi. Shundan buyon Menyan maydonga tushmadi.
“Milan”ning 19-oktabr kungi individual mashg‘ulotlarida ham darvozabon og‘riq his qilgan. Klub jarohatning jiddiylik darajasini aniqlash bo‘yicha tekshiruv o‘tkazadi. Jarohat qaytalangan bo‘lishi mumkin.
La Gazzetta dello Sport nashrining xabariga ko‘ra, Menyan 2023-yilda maydonga qaytishi mumkin. Shu tariqa fransuz Qatarda bo‘lib o‘tadigan Jahon Chempionatini o‘tkazib yuborish ehtimoli paydo bo‘lgan.
Mayk Menyan 2022/23-yilgi mavsum A Seriyada 7 ta o‘yinda ishtirok etib, o‘z darvozasidan 8 ta to‘p olib chiqqan.
Avvalroq Fransiya terma jamoasining yana ikki a’zosi: Ngolo Kante va Korenten Tolisso ham JCH—2022 ni o‘tkazib yuborishi xabar qilingandi.
Izoh (0)