«Милан» клуби ва Франция терма жамоаси дарвозабони Майк Меньян 2022 йил охирига қадар майдонга тушмаслиги мумкин.
Посбон 22 сентябрь куни Миллатлар Лигаси доирасида Франциянинг Австрияга қарши баҳсида жароҳат олганди. Шундан буён Меньян майдонга тушмади.
«Милан»нинг 19 октябрь кунги индивидуал машғулотларида ҳам дарвозабон оғриқ ҳис қилган. Клуб жароҳатнинг жиддийлик даражасини аниқлаш бўйича текширув ўтказади. Жароҳат қайталанган бўлиши мумкин.
La Gazzetta dello Sport нашрининг хабарига кўра, Меньян 2023 йилда майдонга қайтиши мумкин. Шу тариқа француз Қатарда бўлиб ўтадиган Жаҳон Чемпионатини ўтказиб юбориш эҳтимоли пайдо бўлган.
Майк Меньян 2022/23 йилги мавсум А Серияда 7 та ўйинда иштирок этиб, ўз дарвозасидан 8 та тўп олиб чиққан.
Аввалроқ Франция терма жамоасининг яна икки аъзоси: Нголо Канте ва Корентен Толиссо ҳам ЖЧ—2022 ни ўтказиб юбориши хабар қилинганди.
Изоҳ (0)