Zaxirada qoldirilgan Ronaldu “Tottenhem”ga qarshi o‘yin tugamasidan kiyinish xonasiga kirib ketdi. Erik ten Hag bunga munosabat bildirdi

“Manchester Yunayted” Premyer Liganing 11-turida “Tottenhem”ni mag‘lubiyatga uchratdi (0:2).

Mankunianlar hujumchisi Krishtianu Ronaldu mazkur o‘yinda zaxira o‘rindig‘ida qoldirildi. Portugaliyalik futbolchi maydonga tushmasligini bilgach, o‘yin tugashini kutmasdan 90-daqiqada kiyinish xonasiga kirib ketgan.

“Manchester Yunayted” bosh murabbiyi Erik ten Hag nima sababdan Ronalduni emas Markus Reshfordni maydonga tushirganiga izoh berdi.

Ronalduning harakat haqida

Uni ko‘rdim, biroq hali gaplashmadim. Bunga e’tibor qaratmayman, bu masalani ertaga muhokama qilamiz. Hozirda jamoa bilan birga bo‘lishni istayman.

Ronaldu emas, Reshford tanlangani borasida

“Tottenhem”ga qarshi o‘yinda bizga yaxshi pressing kerak edi. Kontpressing lozim edi. Shu orqali siz vaziyat yaratishingiz mumkin, shuning uchun bizga pressingda ishtirok etadigan o‘yinchi kerak edi.

Hujumda bizga dinamika kerak, Markus buni bera oladi. “Nyukasl”ga qarshi o‘yinda ko‘rdingiz, u tushganidan keyin o‘yinning so‘nggi 20 daqiqaligi boshqacha o‘tdi: tezlik oshdi, ochiq zonalar paydo bo‘ldi.

Erik ten Hag, “Manchester Yunayted” bosh murabbiyi