“Real” hujumchisi Karim Benzema 2022-yilgi “Oltin to‘p” sohibiga aylandi.
Benzema Karlo Anchelotti qo‘l ostida mazkur individual sovringa ega chiqqan to‘rtinchi futbolchiga aylandi. Undan avval “Real” safida Krishtianu Ronaldu, “Milan”da Kaka va Andrey Shevchenko “Oltin to‘p”ni qo‘lga kiritgandi.
Anchelotti “Oltin to‘p”ning to‘rt nafar turli sohiblariga ustozlik qilgan tarixdagi ilk murabbiyga aylandi.
“Real” prezidenti Florentino Peres davrida esa beshinchi futbolchi mazkur sovringa ega bo‘ldi. Avvalroq Luish Figu, Ronaldo, Krishtianu Ronaldu (4 marta) va Luka Modrich “Oltin to‘p” egasiga aylangandi.
Peres bu borada “Milan” sobiq prezidenti Silvio Berluskonining rekordini takrorladi. Berluskoni davrida Rud Gullit, Marko van Basten (3), Jorj Vea, Andrey Shevchenko va Kaka ushbu sovringa loyiq ko‘rilgan.
Izoh (0)