Sportdagi yangi qonunlar bo‘yicha kelishmovchiliklar tufayli Ispaniya chempionati to‘xtatilishi mumkin.
La Liga prezidenti Xavyer Tebas 27-oktabr kuni La Liga va Segunda klublarining navbatdan tashqari yig‘ilishini tashkil qilib, 28-oktabrdan boshlab musobaqani to‘xtatish masalasini ko‘rib chiqishni rejalashtirmoqda.
Chempionat to‘xtatilishiga klublarning Ispaniyadagi yangi sport qonunlaridan noroziligi sabab bo‘lmoqda. Qonunda Ispaniya klublari bir vaqtning o‘zida milliy turnirlarda va Yevropa Superligasida qatnashish imkoniyati ko‘zda tutilgan. La Liga klublari esa CVC investitsiya fondi bilan kelishuv xavf ostida qolishidan qo‘rqmoqda. Fond ispan jamoalari uchun taxminan 2 milliard yevro berishi kerak.
El Mundo nashrining xabariga ko‘ra, qonunning amaldagi o‘zgarishiga Ispaniyaning ikki oliy divizionidagi 42 ta jamoaning 39 tasi qarshi chiqmoqda. Faqatgina “Real”, “Barselona” va “Atletik” bundan mustasno.
Shu tariqa agarda qonun o‘zgartirilmasa, chempionatlar to‘xtatilishi mumkin.
Izoh (0)