Toshkent viloyatining Qibray tumanida fuqaroga Chevrolet Onix olib berishni va’da qilib, firibgarlik bilan pul olgan shaxs ushlandi. Bu haqda Bosh prokuratura huzuridagi departament xabar berdi.
Ma’lum qilinishicha, UzAutoMotors murojaatiga asosan departamentning Qibray tuman bo‘limi tomonidan IIB xodimlari bilan hamkorlikda tezkor tadbir o‘tkazilgan. Tadbir davomida “S.c.” MCHJ rahbari M.Yu. va ish yurituvchi S.B. OLX saytida UzAutoMotors tomonidan hali kontraktatsiyasi boshlanmagan Chevrolet Onix 160,4 million so‘mdan sotilayotgani haqida e’lon berib, xaridor Sh.ga ushbu avtomobilni 2023-yilning 31-yanvar kuniga qadar yetkazib berish evaziga 160,5 million so‘mni firibgarlik yo‘li bilan olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)