Андижон вилоятида 2022 йилнинг 19 октябрь куни юз берган ёғингарчилик сабаб шаҳардаги айрим кўчалар, хонадонлар сувга тўлди. Йўл ёқаларидаги ариқларда сув тўпланиб, айрим кўчаларда тирбандликлар ҳосил бўлди. «Дарё» мухбири ёмғир остидаги Андижон суратларини жамлади.
Вилоят ҳокимлиги ахборот хизматининг маълум қилишича, вилоят ҳокими — Фуқаро муҳофазаси бошлиғи буйруғи билан ишчи гуруҳ тузилиб, ҳар бир ҳудудга масъул шахслар тайинланган.
Фавқулодда вазиятлар бўлимлари ходимлари томонидан тўпланган сувлар аҳоли турар жойлари ва йўл бўйларидаги бино-иншоотларга кириб кетишининг олдини олиш мақсадида тезкор чоралар кўрилмоқда.
«Дарё» мухбирининг қайд этишича, об-ҳавонинг совуши натижасида ҳудудларда электр узатиш тармоқларида тез-тез узилиш ҳолатлари кузатилмоқда.
Изоҳ (0)